Ղրիմում Մակրոնին հիշեցրել են Սևաստոպոլում ֆրանսիացի զինվորների ճակատագրի մասին
Ղրիմի խորհրդարանի ղեկավար Վլադիմիր Կոնստանտինովը կոչ է արել Ֆրանսիայի նախագահ Էմանուել Մակրոնին Ուկրաինա զորքեր ուղարկելուց առաջ հիշել Սևաստոպոլի գերեզմանատանը հավերժ մնացած հազարավոր զինվորների և սպաների ճակատագիրը:
Ավելի վաղ Ռուսաստանի արտաքին հետախուզության ծառայության տնօրեն Սերգեյ Նարիշկինը հայտարարել էր, որ Ֆրանսիան զորակազմ Է պատրաստում Ուկրաինա ուղարկելու համար, առաջին փուլում այն կկազմի մոտ 2 հազար զինվորական:
Ընդ որում, նրա խոսքով, Ելիսեյան պալատում ասում են, որ Ուկրաինայում զոհված ֆրանսիացիների թիվն "արդեն գերազանցել է նշանակալի շեմը", իսկ նման տվյալների հրապարակումը կարող է քաղաքացիներին բողոքի հրահրել:
«Ֆրանսիացիներն ունեն փորձ։ Ղրիմի պատերազմի ժամանակ ֆրանսիացիները զրկվեցին իրենց տասնյակ հազարավոր համաքաղաքացիներից։ Միայն Սևաստոպոլում գտնվող Ֆրանսիական գերեզմանատանը հանգչում են Նապոլեոն III-ի կողմից սպանդի ուղարկված մինչև 28 հազար զինվորներ և սպաներ: Չեմ կարծում, որ ներկայիս Նապոլեոնն ի վիճակի է հավաքել և վերազինել նույն քանակությամբ մարտիկներ, բայց չեմ կասկածում, որ նրանց համար մեր հողում տեղ կգտնվի», - ՌԻԱ Նովոստիին ասել Է Կոնստանտինովը:
