Լատվիայի ԱԳ նախարարը հրաժարական է տվել․ հայտնի է պատճառը

Լատվիայի արտաքին գործերի նախարար Կրիշյանիս Կարինշը հրաժարական է տվել, նա կլքի պաշտոնը ապրիլի 10-ին: Այս մասին հայտնում է պորտալը rus.lsm.lv-ն։ Տեղեկությունը փոխանցում է ՏԱՍՍ-ը։

Նրա տվյալներով՝ հանրապետության արտաքին քաղաքական գերատեսչության ղեկավարը պաշտոնը լքելու մասին հայտնել է Լատվիայի վարչապետ Էվիկա Սիլինայի հետ հանդիպումից հետո: Սեյմը (խորհրդարանը) նոր ԱԳ նախարարի թեկնածությանը կողմ կքվեարկի արդեն ապրիլի 11-ին:

Ինչպես գրում է պորտալը, նախարարի հրաժարականը կապված է Եվրամիության կոնֆերանսներին մասնակցելու համար լատվիական պատվիրակության և անձամբ Կարինշի թռիչքների վրա մեծ ծախսերի հետ կապված սկանդալի հետ: Այս ծախսերը ֆինանսավորվել են պետական և ԵՄ բյուջեից և ամենամեծն են դարձել եմ այլ երկրների համեմատ: Հանրապետության գլխավոր դատախազությունը հետաքննություն է սկսել և հետագայում գործը հանձնել կոռուպցիայի կանխարգելման և դեմ պայքարի բյուրոյին:

Կարինշը արտաքին գործերի նախարարի պաշտոնում նշանակվել է 2023 թվականի սեպտեմբերին։ 2019-2023 թվականներին զբաղեցրել է Մերձբալթյան Հանրապետության վարչապետի պաշտոնը։