Ուկրաինա ՆԱՏՕ–ի զորք ուղարկելու Մակրոնի առաջարկը լավ պատրաստված չէ. Լատվիայի վարչապետ

Ֆրանսիայի նախագահ Էմանուել Մակրոնի նախաձեռնությունը՝ Ուկրաինա զորքեր ուղարկելու մասին,  լավ պատրաստված չէր, և ՆԱՏՕ-ն պատրաստ չէ դրան։ Ինչպես տեղեկացնում է РИА Новости-ն, այս մասին հայտարարել է Լատվիայի վարչապետ Էվիկա Սիլինան։

«Չեմ կարծում, որ այդ նախաձեռնությունն այնքան էլ լավ պատրաստված էր, քանի որ դրա շուրջ քննարկումը դեռ չի հասունացել։ Խոսելով զորքեր ուղարկելու մասին՝ կարծում եմ, որ մենք ՆԱՏՕ-ում պատրաստ չենք դա անել», - ասել է Սիլինյան Գերմանիայի կանցլեր Օլաֆ Շոլցի հետ Բեռլինում կայացան համատեղ մամլո ասուլիսի ժամանակ։

Բացի այդ, նա ընդգծել է, որ Ուկրաինան ինքը չի խնդրել ՆԱՏՕ-ի երկրներին զորքեր ուղարկել՝ հավելելով, որ կարիք չկա կենտրոնանալ այն բանի վրա, ինչը չի խնդրում Կիևը։