Դոնալդ Թրամփը սկսել է Աստվածաշունչ վաճառել
ԱՄՆ նախկին նախագահ Դոնալդ Թրամփը սկսել է Աստվածաշունչ վաճառել: Այս մասին հայտնում է AP–ն:
Այն կոչվում է «Աստված օրհնի ԱՄՆ Աստվածաշունչը»: Գիրքը վաճառվում է 59,99 դոլարով՝ աճող օրինական պարտքերի ֆոնին: Նյու Յորքի դատարանը Թրամփին պարտավորեցրել է 175 միլիոն դոլար վճարել խարդախության գործով:
Ըստ AP-ի՝ սա սովորական Աստվածաշունչ է, որին ուղղակի ավելացվել են ԱՄՆ Սահմանադրության, իրավունքների օրինագծի, Անկախության հռչակագրի պատճենները և ամերիկացի քանթրի երաժիշտ Լի Գրինվուդի «God Bless the USA» երգի բառերը։
