Առավել քան երբևէ դժվար է լինելու․ Վուչիչը՝ երկրին սպառնացող վտանգի մասին

Սերբիան առաջիկայում կբախվի իր ազգային շահերին սպառնացող վտանգի։ Այս մասին հայտարարել է երկրի նախագահ Ալեքսանդր Վուչիչը։

«Հիմա ինձ համար հեշտ չէ ասել, թե ինչ նորություններ ենք ստացել վերջին 48 ժամվա ընթացքում։ Դրանք ուղղակիորեն սպառնում են Սերբիայի և Սերբական Հանրապետության համար կենսական նշանակություն ունեցող ազգային շահերին», - գրել է նա ինստագրամյան էջում։

Վուչիչը հայտարարել է, որ առաջիկա օրերին առաջիկա օրերին Սերբիայի ժողովրդին կներկայացնի սպասվող բոլոր մարտահրավերները։ Երկրի նախագահը նաև ասել է, որ «առավել քան երբևէ դժվար է լինելու»։

Նա չի պարզաբանել, թե կոնկրետ ինչ վտանգի մասին է խոսքը։