Քաղաքականություն

Ինչպես են ՆԱՏՕ-ից և ԵՄ-ից արձագանքել Մոսկվայում ահաբեկչությանը

Ինչպես են ՆԱՏՕ-ից և ԵՄ-ից արձագանքել Մոսկվայում ահաբեկչությանը
Հյուսիսատլանտյան դաշինքը դատապարտում է Մոսկվայի «Կրոկուս Սիթի Հոլ» համերգասրահում տեղի ունեցած ահաբեկչությունը և ցավակցում զոհերի ու տուժածների ընտանիքներին։ Այս մասին X-ի իր միկրոբլոգում գրառում է…

Հյուսիսատլանտյան դաշինքը դատապարտում է Մոսկվայի «Կրոկուս Սիթի Հոլ» համերգասրահում տեղի ունեցած ահաբեկչությունը և ցավակցում զոհերի ու տուժածների ընտանիքներին։ Այս մասին X-ի իր միկրոբլոգում գրառում է կատարել ՆԱՏՕ-ի մամուլի ծառայության ղեկավար Ֆարահ Դախլալլահը։


«Մենք միանշանակ դատապարտում ենք Մոսկվայում կայացած համերգի հանդիսատեսի վրա հարձակումը։ Ոչինչ չի կարող արդարացնել նման սարսափելի հանցագործությունները: Մեր խորին ցավակցությունները զոհերին և նրանց ընտանիքներին»,- գրել է նա։


ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը ևս X-ում գրառմամբ դատապարտել է Ռուսաստանում տեղի ունեցած ահաբեկչությունը։


«Ես խստագույնս դատապարտում եմ երեկ երեկոյան Մոսկվայի մերձակայքում տեղի ունեցած սարսափելի ահաբեկչությունը։ Ահաբեկչության թիրախում կրկին անպաշտպան մարդիկ են»,- գրել է Բորելը։


Նա նշել է նաև, որ միջազգային հանրությունը պետք է միասնական պայքարի ընդդեմ տեռորիզմի։


Հիշեցնենք՝ մարտի 22-ի երեկոյան «Կրոկուս Սիթի Հոլլ»–ում համերգից առաջ հրաձգություն և հրդեհ է տեղի ունեցել։ Ըստ Քննչական կոմիտեի` ահաբեկչության հետևանքով զոհերի թիվը հասել է 133-ի:





Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7460) Միջազգային (3260) ԱՄՆ (2287) Ռուսաստան (2107) Իրան (1738) Ընտրություններ (1273) Ուկրաինա (827) Երևան (799) Իսրայել (759) Ադրբեջան (621) Փաշինյան (560) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250