Հայտնի է՝ Հայաստանում պաշտոնապես քանի տոկոս ձայն է հավաքել Պուտինը

ՌԴ ԿԸՀ-ն ամփոփել է նախագահական ընտրությունների արդյունքները։ Ռուսաստանի Կենտրոնական ընտրական հանձնաժողովը Վլադիմիր Պուտինին պաշտոնապես հայտարարել է Ռուսաստանի նախագահական ընտրությունների հաղթող:

Ըստ ՌԴ ԿԸՀ-ի՝ Վլադիմիր Պուտինը ընտրությունների պաշտոնական արդյունքներով հավաքել է 87,28 %՝ ստանալով 76 մլն 277 հազար 708 քվե։

Վլադիմիր Պուտին 87,28% (76 277 708); Նիկոլայ Խարիտոնով 4,31% (3 768 470); Վլադիսլավ Դավանկով 3,85% (3 362 484); Լեոնիդ Սլուցկի-3,20% (2 797 629):

ՌԴ ԿԸՀ նախագահ Էլլա Պամֆիլովան հրապարակել է արտասահմանում ՌԴ քաղաքացիների քվեարկության արդյունքները, ըստ որոնց՝ Պուտինը ձայների մեծամասնությունն է ստացել Հայաստանում (54,7%), Գերմանիայում (56,82%), Էստոնիայում (75,22%), Լատվիայում (70,6%), Ավստրալիայում (53,6%):

Ըստ արդյունքների՝ Հայաստանում բացված ընտրատեղամասերում Պուտինի օգտին է քվեարկել 54,7%-ը:

Պամֆիլովայի խոսքով՝ քվեարկելու նպատակով Հայաստան են եկել նաև Վրաստան մեկնած ռելոկանտները, քանի որ ՌԴ-ն պաշտոնական Թբիլիսիի հետ դիվանագիտական հարաբերություններ չունի, ուստի այդ երկրում ընտրատեղամասեր չէին բացվել: