Այսօր` մարտի 21-ին, Բրյուսելում հանդիպել են Թուրքիայի արտաքին գործերի նախարար Հաքան Ֆիդանն ու և Ադրբեջանի արտաքին գործերի նախարար Ջեյհուն Բայրամովը։

Ադրբեջանական աղբյուրների փոխանցմամբ՝ արտգործնախարարների քննարկման հիմնական թեմաներից մեկը եղել են Երևանի և Բաքվի հարաբերությունները։

«Ջեյհուն Բայրամովն իր թուրք պաշտոնակցին տեղեկություններ է փոխանցել Ադրբեջանի և Հայաստանի հարաբերությունների կարգավորման գործընթացի մասին», - հաղորդում են տեղի լրատվամիջոցները։ 

Հանդիպմանը նաև մտքեր են փոխանակվել փոխադարձ հետաքրքրություն ներկայացնող տարածաշրջանային և գլոբալ այլ հարցերի շուրջ: