Սալիվանն այցելել է Կիև․ նա հայտարարել է, որ ԱՄՆ-ն կկարողանա Ուկրաինային օգնության մեծ փաթեթ տրամադրել
ԱՄՆ նախագահի ազգային անվտանգության հարցերով օգնական Ջեյք Սալիվանն այցելել է Կիև, որտեղ հանդիպել է Ուկրաինայի նախագահի գրասենյակի ղեկավար Անդրեյ Երմակի հետ։
Այս մասին հայտնում է Reuters-ը, փոխանցում է ՏԱՍՍ-ը։
Նրա տեղեկություններով՝ Երմակի հետ հանդիպմանը հաջորդած մամուլի ասուլիսի ժամանակ Սալիվանը պնդել է, որ ԱՄՆ-ն կկարողանա Ուկրաինային օգնության մեծ փաթեթ տրամադրել։
«Մեր կողմից մենք վստահ ենք, որ կարող ենք դա անել: Մենք այդ օգնությունը կփոխանցենք Ուկրաինային», - Սալիվանին մեջբերում է Reuters-ը։
