ՏԵՍԱՆՅՈՒԹ. 2 հոգու տարել են Աբովյանի բաժին. վրացական համարանիշներով մեքենաների վարորդները կրկին դժգոհում են

Թողեցին 10.000 մեքենա լցվեց Հայաստան ու դրեցին ժողովրդին տուպիկի առաջ: Մեր գլխավոր պահանջը այն է, որ վրացական համարանիշներով մեր մեքենաների հարցը նորմալ, խելամիտ ձևով լուծվի, որպեսզի ժողովրդին նեղություն չտան իրենց այդ թերի օրենքներով: Այս մասին ասաց Auroranews-ին ահազանգած քաղաքացին:

Մենք ցույց ենք կազմակերպել, սակայն մեր հարգաժան ոստիկանները խոչընդոտում են ամեն ձև: Ցույցը կազմակերպել ենք Աբովյանի կամուրջն անցած դեպի Չարենցավան հատվածում: Մեզ չեն թողնում ճանապարհի թույլատրելի հատվածում կանգնել, ոչ մի խոչընդոտ չենք հանդիսացել, ճանապարհ չենք փակել, մեզ նույնիսկ չեն թողել մինչև վերջ հավաքվել: Դրանից հետո մենք տեղափոխվել ենք մոտ 500 մետր վերև դեպի Չարենցավան, նորից նույն ձև, ոստիկաները մոտեցել են և էլի չեն թողել: Ոստիկաններին հարցնում ենք, թե ինչի եք մեզ խոչընդոտում, ասում են կարողա ճանապարհը փակեք: Այս ամենից հետո շրջադարձ ենք կատարել, որպեսզի հետ գանք քաղաք: Բելաջո չհասած կանգնել ենք ճանապարհից դուրս ազատ հրապարակ և ոստիկանները նորից եկել են, նորից լեզվակռիվ է սկսվել ոստիկանների հետ, վերջում էլ  2 հոգու տարել են Աբովյանի բաժին ու հիմա մենք գնում ենք այնտեղ: 

Հարցին, թե որն է ձեր գլխավոր պահանջը քաղաքացին պատասխանեց. «Մեր գլխավոր պահանջը այն է, որ  վրացական համարանիշներով մեր մեքենաների հարցը  նորմալ, խելամիտ ձևով լուծվի, որպեսզի ժողովրդին նեղություն չտաան իրենց այդ թերի օրենքներով: Մենք չենք ասում, որ մեզ ազատեն ամեն ինչից, մենք ուզում ենք խելամիտ որոշում: Թողեցին 10.000 մեքենա լցվեց Հայաստան ու դրեցին ժողովրդին տուպիկի առաջ: Ոչ մեկը պատրաստ չի այսօր իր մեքենան կորցնի: Մենք չենք ասում, որ նվեր տան մեզ մեր մեքենաները: Մեզ ուղարկում են ՊԵԿ նախարարություն մեր հարցի համար, որը լրիվ անհիմն է, քանի որ մի քանի անգամ գնացել ենք»,- ասաց ահազանգած քաղաքացին:  

Հիշեցնենք` կառավարության որոշմամբ` 2024թ–ի hունվարի 1-ից Հայաստանում շահագործվող վրացական գրանցումով ավտոմեքենաներից գանձվելու են օրենքով նախատեսված բոլոր վճարները՝ մաքսատուրք, ավելացված արժեքի հարկ, բնապահպանական հարկ ու գույքահարկ: Իսկ Վրաստան վերադառնալու դեպքում ժամանակավոր ներմուծման ընթացակարգով Հայաստանում շահագործվող ավտոմեքենաների սեփականատերերը կատարած բոլոր վճարումները հետ են ստանալու։

Հավելենք, որ 2023 թվականի դեկտեմբերի 14-ին Վրացական համարանիշներով մեքենաների վարորդները բողոքի ակցիա են իրականացրել Կառավարության դիմաց: Նրանք իրենց բողոքի ձայնն են բարձրացրել ընդունված նոր օրենքի դեմ, ըստ որի, մինչև հունվարի 1-ը պետք է իրենց ավտոմեքենաները կա՛մ մաքսազերծեն, կա՛մ Հայաստանից դուրս հանեն։