Օգնության փոխարեն՝ անտոկոս վարկ. ԱՄՆ հանրապետական սենատորի առաջարկը՝ Զելենսկիին
Հանրապետական կուսակցության ամերիկացի սենատոր Լինդսի Գրեհեմը Կիև կատարած այցի ժամանակ Ուկրաինայի նախագահ Վլադիմիր Զելենսկիին ասել է, որ ամերիկյան օգնություն տրամադրելու ամենահավանական տարբերակը անտոկոս վարկն է։
«Նախագահ Զելենսկու հետ հանդիպման ժամանակ ես նրան տեղեկացրի, որ հաշվի առնելով ԱՄՆ-ի հարավային սահմանի ճգնաժամը և մեր հսկայական պարտքը, նախագահ Թրամփի՝ ԱՄՆ-ից օգնությունը անտոկոս վարկի վերածելու գաղափարը, որից կարելի է հրաժարվել, ամենահավանական ճանապարհն է», - ասվում է սենատորի հայտարարության մեջ՝ Ուկրաինա կատարած այցից հետո:
Գրեհեմը նշել է, որ դա «ճիշտ է ոչ միայն Ուկրաինային տրամադրվող օգնության համար, այլ նաև ամբողջ աշխարհի այլ երկրների համար»:
Նրա կարծիքով՝ վարկի գաղափարը «բավականին տարածված կլինի ոչ միայն հանրապետականների, այլև դեմոկրատների շրջանում»։
Օրենսդիրը նաեւ ասել է, որ ԱՄՆ վարչակազմին կոչ է անում արագացնել ուկրաինացիների՝ F-16 կործանիչներ վարելու ուսուցումը։
Միաժամանակ սենատորը քննադատել է Վաշինգտոնի կողմից ATACMS հեռահար հրթիռների մատակարարման ժամկետների համար, որոնք «երեկ այստեղ պետք է լինեին»։
