Ֆրանսիան ռազմական կոնտինգենտ է պատրաստում Ուկրաինա ուղարկելու համար. Նարիշկին
ՌԴ Արտաքին հետախուզության ծառայության տվյալներով՝ Ֆրանսիան ռազմական անձնակազմ է պատրաստում Ուկրաինա ուղարկելու համար, նախնական փուլում զորքերի թիվը կարող է կազմել մոտ 2000 մարդ, ասել է ծառայության տնօրեն Սերգեյ Նարիշկինը։
«Ըստ Ռուսաստանի արտաքին հետախուզության ծառայության ստացած տեղեկատվության՝ արդեն նախապատրաստվում է զորախումբ՝ Ուկրաինա ուղարկելու համար», - ասվում է ծառայության մամուլի բյուրոյի տարածած հայտարարության մեջ։
Նարիշկինը նշել է, որ «նախնական փուլում խոսքը 2000 մարդու մասին է»։
«Ֆրանսիացի զինվորականները մտավախություն ունեն, որ նման նշանակալի զորամիավորումը չի կարող աննկատ տեղափոխվել և տեղակայվել Ուկրաինայում, ուստի այն կդառնա առաջնահերթ օրինական թիրախ Ռուսաստանի զինված ուժերի հարձակումների համար»,- նշել է նա։
