ՌԴ նախագահական ընտրություններն անցկացվել են միջազգային չափանիշների խախտմամբ․ Ֆրանսիայի ԱԳՆ
Ֆրանսիայի իշխանությունները ի գիտություն են ընդունելու ՌԴ նախագահական ընտրությունների արդյունքները, որոնք ավարտվել են կիրակի օրը և կարծում են, որ դրանք անցկացվել են միջազգային չափանիշների խախտմամբ։ Այս մասին հայտնել է հանրապետության արտաքին գործերի նախարարությունը, փոխանցում է Pravda.ru-ն։
«Ֆրանսիան ի գիտություն է ընդունում նախագահական ընտրությունների ակնկալվող արդյունքները, որոնց արդյունքում Վլադիմիր Պուտինը հինգերորդ ժամկետով կմնա Ռուսաստանի Դաշնության նախագահ»,- ասվում է ԱԳՆ հայտարարության մեջ։
Գերատեսչությունը պնդում է, որ ընտրական գործընթացն ուղեկցվել է ընդդիմության և քաղաքացիական հասարակության ներկայացուցիչների նկատմամբ «բռնադատություններով»՝ վկայակոչելով Ռուսաստանում անկախ լրատվամիջոցների ենթադրյալ արգելքը։
Գերատեսչության գնահատմամբ՝ Ռուսաստանի Դաշնությունում նախընտրական քարոզարշավը չի համապատասխանել թեկնածուների՝ լրատվամիջոցներին հավասար հասանելիության միջազգային չափանիշներին, ինչի պատճառով «չեն պահպանվել ազատ, բազմակարծիք և ժողովրդավարական ընտրությունների անցկացման պայմանները»։
Ավելի վաղ Վլադիմիր Պուտինը լրագրողներին հայտարարել էր, որ քվեարկության ընթացքին հետևել են մեծ թվով օտարերկրյա անկախ դիտորդներ: Առաջին անգամ Ռուսաստանի նախագահի ընտրությունները տեղի են ունեցել երեք օրվա ընթացքում ՝ մարտի 15 - ին, 16-ին և 17-ին:
