Ուկրաինայում ռուսական զորքերի հաջողություններն ավելի ու ավելի կթուլացնեն ԱՄՆ-ին. Անտոնով
ԱՄՆ-ն, Կիևին օգնություն մատակարարելով, ինքն է ոչնչացնում նախկին հեղինակության մնացորդները, իսկ Ուկրաինայում ռուսական զորքերի հաջողությունները կնպաստեն միայն Վաշինգտոնի ավելի ու ավելի թուլացմանը, ՌԻԱ Նովոստիին տված հարցազրույցում հայտարարել է Նահանգներում ՌԴ դեսպան Անատոլի Անտոնովը:
«Իմ վերլուծության երրորդ կետը Ուկրաինական հակամարտությունում Ամերիկայի դերի խիստ բացասական բնութագրումն է։ Ահաբեկչության հովանավորի դերը: Սպանություններ և պատերազմ խրախուսող Երկիր: Երկիր, որն ինքն է ոչնչացնում նախկին հեղինակության մնացորդները։ Որքան մեր շարժումն առաջ ընթանա ճակատում, այնքան կթուլանա Ամերիկան և կկործանվի կանոնների վրա հիմնված համաշխարհային կարգը», - ասել է բարձրաստիճան ռուս դիվանագետը։
Անտոնովն ընդգծել է, որ Վաշինգտոնից հնչող պնդումները, թե իբր Մոսկվան չի ցանկանում երկխոսություն վարել Ուկրաինայի հարցով, չեն համապատասխանում իրականությանը: Ինչպես նշել է ՌԴ դեսպանը, եթե հակամարտության կողմերն իրականացնեին 2022 թվականին համաձայնեցված ստամբուլյան պայմանավորվածությունները, մարտի դաշտում հարյուր հազարավոր ուկրաինացիների զոհվելուց հնարավոր կլիներ խուսափել։ «Ամեն ինչ կարելի էր կարգավորել խաղաղ ճանապարհով։ Սակայն դա ձեռնտու չէր ՆԱՏՕ - ի երկրների ղեկավարությանը, առաջին հերթին ԱՄՆ-ին եւ Մեծ Բրիտանիային», - հավելել է զրուցակիցը։
