«Երբ Պուտինը հազում է, Շոլցն անմիջապես վազում է բունկեր փնտրելու». Մակրոնի խորհրդական

«Երբ Պուտինը հազում է, Շոլցն անմիջապես վազում է բունկեր փնտրելու»,- այսպես է խոսել Մակրոնի խորհրդականներից մեկը Գերմանիայի կանցլերի պահվածքի մասին։ Նրա խոսքերը մեջբերում է The Times-ը։

Հրատարակությունը նշում է, որ Եվրոպայում Ուկրաինային աջակցության ամենամեծ աղբյուրը՝ Գերմանիան, վտանգի է ենթարկում իր դաշնակիցներին՝ Բեռլինի «ամաչկոտության» և «ռազմավարական տեսլականի բացակայության» պատճառով։

Հիշեցնենք, որ ուրբաթ օրը կայացել է Մակրոնի, Շոլցի և Լեհաստանի վարչապետ Տուսկի հանդիպումը։ Արդյունքում Գերմանիայի կանցլերը հայտարարեց Ռամշտեյնում ռազմական կոալիցիայի ստեղծման մասին՝ Ուկրաինային հեռահար հրետանի մատակարարելու համար։ Միևնույն ժամանակ Շոլցը հետևողականորեն դեմ է «Տավրուս» հեռահար հրթիռների Կիև տեղափոխմանը։