ՌԴ-ում մեկնարկել են նախագահական ընտրությունները

ՌԴ-ում մեկնարկել են նախագահական ընտրությունները, որոնք կտևեն երեք օր և կավարտվեն ընտրությունների հիմնական օրը՝ մարտի 17-ին։ 

Նշվում է, որ ընտրատեղամասերի մեծ մասն աշխատելու է մարտի 15-ին, 16-ին և 17-ին Մոսկվայի ժամանակով ժամը 8: 00-ից մինչև 20: 00-ն։

Քվեարկության համար ընտրատեղամասերի հիմնական մասը բացվել է Մոսկվայի ժամանակով ապրող Հյուսիս-Արևմտյան, Կենտրոնական, Մերձվոլգայի, Հարավային և Հյուսիսկովկասյան դաշնային շրջաններում։

Ռուսաստանի նախագահի պաշտոնին հավակնում է չորս թեկնածու, այդ թվում նաև գործող նախագահ Վլադիմիր Պուտինը, որն արդեն հինգերորդ անգամ է առաջադրվել։

Ընտրությունների նախօրեին Պուտինը տեսաուղերձով դիմել է ՌԴ քաղաքացիներին, կոչ է արել մասնակցել ընտրություններին` արտահայտելով իրենց քաղաքացիական և հայրենասիրական դիրքորոշումը, քվեարկելով իրենց թեկնածուի և Ռուսաստանի հաջող ապագայի օգտին։