Նման գործունեություն մենք տարիներ շարունակ զգացել ենք մեր մաշկի վրա․ Պեսկով

Ռուսաստանի նախագահի մամուլի քարտուղար Դմիտրի Պեսկովը, մեկնաբանելով Չինաստանի իշխանությունների դեմ Կենտրոնական հետախուզական վարչության գաղտնի գործողության մասին լուրերը, հայտարարել է, որ Ռուսաստանը նման գործունեություն տարիներ շարունակ իր վրա է զգացել: Տեղեկությունը փոխանցում է ՌԻԱ Նովոստին։

«Ես ձեզ մի բան կարող եմ ասել, որ նման գործունեություն մենք տարիներ շարունակ զգացել ենք մեր մաշկի վրա։ Միացյալ Նահանգները և համապատասխան գործակալությունները, հատուկ ծառայությունները դրանով զբաղվել են մեր երկրում։ Եվ փորձում են զբաղվել մինչ օրս», - ասել Է Պեսկովը լրագրողներին ։

Նրա խոսքով՝ միջամտության փորձերից պաշտպանվելու միայն Ռուսաստանի վճռական գործողությունները թույլ են տվել նվազագույնի հասցնել ամերիկյան հատուկ ծառայությունների այդ աշխատանքի արդյունավետությունը:

«Սակայն դա չի նշանակում, որ նրանք թողնում են դա շարունակելու իրենց փորձերը։ Այդ պատճառով, իհարկե, չի կարելի բացառել, որ նման պրակտիկան տարածվում է նաև այլ երկրների վրա», - ասել Է Պեսկովը։