Մոսկվայում փակվել են ընտրատեղամասերը. օր առաջին

ՌԴ նախագահական ընտրությունների քվեարկության առաջին օրը Մոսկվայում փակվել են ընտրատեղամասերը։ Այս մասին հայտնում է RT–ն:

Մոսկվայի ժամանակով ժամը 20:00-ին մայրաքաղաքի ընտրատեղամասերը դադարեցրել են աշխատանքը։

Քվեարկությունն ընդհանուր առմամբ կտևի երեք օր, այն սկսվել է մարտի 15-ին, իսկ հիմնական օրը լինելու է մարտի 17-ը։ Մայրաքաղաքում առկա է 2200 ընտրատարածք։

Ավելի վաղ Ռուսաստանի Կենտրոնական ընտրական հանձնաժողովը հայտարարել էր, որ Մոսկվայի ժամանակով 20:07-ին ՌԴ նախագահական ընտրություններին մասնակցությունը քվեարկության առաջին օրը հասել է 29,87%-ի։