Հարց է առաջանում՝ որտեղից Հայաստանին այդքան գումար․ Ալիև
«Վերջին հակաահաբեկչական գործողության ընթացքում ոչնչացվել և որպես ավար վերցվել են մոտ 1 միլիարդ դոլար արժողությամբ ռազմական զինամթերք, ծանր սպառազինություն և զրահատեխնիկա»: Այս մասին ասել է Ադրբեջանի նախագահ Իլհամ Ալիևը: Տեղեկությունը փոխանցում են ադրբեջանական լրատվամիջոցները։
Նրա խոսքով՝ Ղարաբաղյան երկրորդ պատերազմի ընթացքում ոչնչացվել և որպես ավար վերցվել է շուրջ 5 մլրդ դոլարի զենք-զինամթերք։
«Հարց է առաջանում՝ որտեղից Հայաստանին այդքան գումար։ Իհարկե, պարզ է, որ մեր դեմ նրանց օգտագործած ողջ զենքը տրամադրվել է անվճար», - նշել է Ալիևը։
