Եվրոպան «շրջապատված է կրակի օղակով». Բորել
Ուկրաինայի տարածքում մարտերը ԵՄ դիվանագիտության ղեկավար Ժոզեպ Բորելը համեմատել է «Աստղային պատերազմներ» ֆիլմաշարի հետ։ Վերջինիս խոսքով՝ հակամարտությունում կարևոր են արհեստական բանականությունը, անօդաչու թռչող սարքերն ու կապի համակարգերը։
«Արհեստական բանականություն, անօդաչուներ, հեռահաղորդակցության համակարգեր. Դա դասական բարձր ինտենսիվության պատերազմների խառնուրդ է ծանր հրետանային կրակով... և մի փոքր «Աստղային պատերազմներ», այսինքն՝ կա շատ էլեկտրոնիկա, իսկ այժմ՝ արհեստական բանականություն», - իսպանական RNE ռադիոյի եթերում ասել է Բորելը
Նա նաև հավելել է, որ Եվրոպան «շրջապատված է կրակի օղակով»։ Բորելի խոսքով՝ ԵՄ-ն պատերազմի մեջ չէ, բայց վտանգի տակ է։ Նա պարզաբանել է, որ 2008 թվականի ճգնաժամից հետո Եվրամիությունը սկսել է զինաթափման գործընթացը, և այն չունի մեծ քանակությամբ տեխնիկա։
