Բոլորը հայ-ադրբեջանական հարաբերությունների ջերմացման վկաներն են․ Հաջիև
Պաշտոնական Բաքուն բոլոր ջանքերը գործադրում է Հայաստանի հետ խաղաղություն հաստատելու համար։ Այս մասին հայտարարել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի վարիչ Հիքմեթ Հաջիևը: Տեղեկությունը փոխանցում են ադրբեջանական ԶԼՄ-ները։
«Ազատելով Ղարաբաղը՝ Ադրբեջանը կայունություն բերեց Հարավային Կովկասում։ Այսօր Ադրբեջանը բոլոր ջանքերը գործադրում է Հայաստանի հետ խաղաղություն հաստատելու համար։ Բոլորը հայ-ադրբեջանական հարաբերությունների ջերմացման վկաներն են», - ասել է Հաջիևը հինգշաբթի օրը Բաքվի Xi գլոբալ ֆորումի շրջանակներում կայացած պանելային նստաշրջանում:
Նրա խոսքով՝ Ադրբեջանը ևս ամեն կերպ խրախուսում է տարածաշրջանային լայն համագործակցությունը:
