Ավստրալիան Նավալնիի մահվան կապակցությամբ պատժամիջոցներ է սահմանաել
Ավստրալիայի կառավարությունը պատժամիջոցներ է սահմանել Ռուսաստանի դաշնային քրեակատարողական ծառայության մի քանի աշխատակիցների նկատմամբ՝ ռուս ընդդիմադիր գործիչ Ալեքսեյ Նավալնիի մահվան կապակցությամբ։ Տեղեկանում ենք ՏԱՍՍ գործակալությունից:
Երկրի արտգործնախարարության տարածած հայտարարության մեջ նշված է՝ «հասցեական ֆինանսական սահմանափակումներ և Ավստրալիա մուտքի արգելք են սահմանվում (Վլադիմիրի մարզի թիվ 6) ուղղիչ գաղութի վեց աշխատակիցների» և Ռուսաստանի Դաշնային քրեակատարողական ծառայության նախկին փոխտնօրեն, ներքին ծառայության գեներալ-լեյտենանտ Ալեքսեյ Գիրիչևի նկատմամբ։
Ավստրալիայի ՆԳՆ-ի տվյալներով՝ պատժամիջոցների ցուցակում են ընդգրկվել թիվ 6 քրեակատարողական գաղութի ղեկավարն ու նրա տեղակալները։
Հիշեցնենք՝ փետրվարի 16-ին Դաշնային քրեակատարողական ծառայության Յամալ Նենեցյան ինքնավար շրջանի վարչությունը հայտնել էր գաղութում Ալեքսեյ Նավալնիի մահվան մասին։
