Զինված ուժերի կորցրած տարածքները ռազմավարական նշանակություն չունեն. Ուկրաինայի ԱԳ նախարար
Ուկրաինայի ԱԳ նախարար Դմիտրի Կուլեբան հայտարարել է, որ Ուկրաինայի զինված ուժերի կորցրած տարածքները ռազմավարական նշանակություն չունեն։ Այս մասին նա հայտարարել է ամերիկյան ABC հեռուստաալիքին տված հարցազրույցում։
Կուլեբան խոստովանել է, որ Ուկրաինան «իրոք կորցրել է տարածքներ», սակայն դրանք «ռազմավարական նշանակություն» չունեն մարտական շփման գծի ընդհանուր կայունության համար։
Բացի այդ, նա նաև ասել է, որ ուկրաինական բանակը հրետանային զինամթերքի զգալի պակաս է զգում։
«Մենք հրետանային արկերի և այլ զինատեսակների հսկայական պակաս ենք զգում»,- ասել է արտգործնախարարը։
Ռուսաստանի Դաշնության պաշտպանության նախարար Սերգեյ Շոյգուն փետրվարի 17-ին ՌԴ նախագահ Վլադիմիր Պուտինին զեկուցել է Ավդեևկայի գրավման մասին։
