Իրանը համապատասխան պահին անհրաժեշտ պատասխան միջոցներ կձեռնարկի․ Իրանի ԱԳՆ
Իրանն իրեն իրավունք է վերապահում պատասխան տալ Իսրայելին Սիրիայում Իսլամական հեղափոխության պահապանների կորպուսի (ԻՀՊԿ` իրանական զինված ուժերի էլիտար ստորաբաժանումներ) խորհրդական Սեյեդ Ռազի Մուսավիի մահվան համար: Այս մասին հայտարարել Է Իսլամական Հանրապետության ԱԳՆ պաշտոնական ներկայացուցիչ Նասեր Քանանին։
Ավելի վաղ հայտնի էր դարձել Մուսավիի և նրա դստեր մահվան մասին՝ Դամասկոսի մերձակայքում Իսրայելի հրթիռային հարձակման հետևանքով:
Իրանի ԱԳՆ-ն տեղի ունեցածը վախկոտ ահաբեկչական գործողություն է անվանել և զգուշացրել է, որ երկիրն իրեն իրավունք է վերապահում «համապատասխան պահին անհրաժեշտ պատասխան միջոցներ ձեռնարկել»:
