Առաջարկում եմ կարմիր գծերի հարցն այս տարի հանենք. «Հանրային ձայն» խմբակցության ղեկավար

Առաջարկում եմ կարմիր գծերի հարցն այս տարի հանենք։ Այս մասին հայտարարեց Երևանի ավագանու «Հանրային ձայն» խմբակցության ղեկավար Վահան Ավագյանը դիմելով Երևանի քաղաքապետ Տիգրան Ավինյանին։

«Առաջարկում եմ կարմիր գծերի հարցն այս տարի հանենք: Մենք առաջարկել ենք մի քանի տարբերակներ, չգիտեմ՝ ի՞նչ որոշում է կայացրել ձեր ֆրակցիան, բայց եթե կան հարցեր, որ չեք ընդունել նախապես ասում եմ՝ հանեք օրակարգից կարմիր գծերի հարցը»,- ասաց նա:

Ավինյանն էլ ի պատասխան ասաց, որ հարցը վերաբերում է 2024-ի տեղական տուրքերին, որն ընդհանրական է ու չի վերաբերում միայն կարմիր գծերին։

«Ձեր առաջարկությունները որոշակի ընդունվել են, կքննարկենք, դուք ձեր կարծիքը կհայտնեք»,- նշեց քաղաքապետը: