ՄԱԿ-ը մարդկանց ապացուցել է, որ չպետք է ապավինել այդ կազմակերպություններին․ Իրանի նախագահ
Աշխարհում տեղի ունեցած վերջին իրադարձությունները ցույց են տվել, որ ՄԱԿ-ի Անվտանգության խորհուրդն անարդյունավետ է, մարդիկ պետք է այլ մեխանիզմ գտնեն մոլորակի վրա խաղաղության և անվտանգության հաստատման համար: Այս մասին հայտարարել է Իրանի նախագահ Էբրահիմ Ռաիսին երկրի մայրաքաղաքում կայացած Պաղեստինի վերաբերյալ Թեհրանի միջազգային համաժողովում իր ելույթի ժամանակ։
«ՄԱԿ-ի Անվտանգության խորհուրդ կոչվող վայրը, որը պատասխանատու է աշխարհում խաղաղության և անվտանգության հաստատման համար վերջին իրադարձությունների ժամանակ իրեն պաշտոնապես հայտարարել է անզոր, անօգնական և անարդյունավետ և ապացուցել է աշխարհի բոլոր մարդկանց, որ չպետք է ապավինել այդ կազմակերպությունների արդյունավետությանը, բայց մենք պետք է փնտրենք այլ մեխանիզմ՝ աշխարհում խաղաղություն և անվտանգություն հաստատելու համար»,- ասվում է նախագահի ուղերձում։
