Բայդենը հաստատել է պաշտպանական ռեկորդային բյուջեն. Ուկրաինային հերթական միլիոնները կտրամադրվեն
ԱՄՆ նախագահ Ջո Բայդենը ստորագրել է 2024 ֆինանսական տարվա պաշտպանական բյուջեի մասին օրենքը։ Փաստաթուղթը ներառում է ռեկորդային ծախսեր ՝ 886 միլիարդ դոլար: Ուկրաինային տրամադրվող օգնությունը կկազմի 800 մլն դոլար, հայտնել են Սպիտակ տանը:
«Օրենքը տալիս է կարևոր լիազորություններ, որոնք մեզ անհրաժեշտ են ապագա հակամարտությունները զսպելու համար, պահանջվող բանակ ստեղծելու համար, և միևնույն ժամանակ աջակցում է զինծառայողներին, նրանց ամուսիններին և ընտանիքներին, որոնք ամեն օր կատարում են այդ առաքելությունը», - հայտարարել Է ԱՄՆ նախագահը:
Նա քննադատել է այն դրույթները, որոնք իրենից և այլ պաշտոնյաներից պահանջում են Կոնգրեսին տրամադրել հաշվետվություններ և ծրագրեր, որոնք կներառեն գաղտնի տեղեկատվություն: Բայդենի խոսքով ՝ ինքը կարող է կանխել «չափազանց զգայուն տեղեկատվության» հրապարակումը:
Ավելի վաղ ԱՄՆ Պետդեպարտամենտի ղեկավար Էնթոնի Բլինքենը հայտարարել էր, որ Վաշինգթոնի փողերը գրեթե սպառվել են Ուկրաինային աջակցելու համար: 2024 թվականի պաշտպանական բյուջեում այդ նպատակների համար վերապահված է 800 միլիոն դոլար։ Ծախսերի մեծ մասը Սպիտակ տունը պահանջել է առանձին օրինագծով, որը կքննարկեն օրենսդիրները:
