Քերոբյանը՝ Վերին Լարսում հայկական բեռնատարների մասին
Հայկական բեռնատարները Վերին Լարսն անցնում են ձմռան համար նորմալ արագությամբ։ Այս մասին ՀՀ կառավարության նիստից հետո ճեպազրույցի ժամանակ ասաց ՀՀ էկոնոմիկայի նախարար Վահան Քերոբյանը։
Անդրադառնալով արտահանման ծավալներին` Քերոբյանը նշեց, որ ՀՀ կառավարությունը քայլեր է ձեռնարկում, որպեսզի օգնի արտահանողներին 3–րդ ուղղություններով ապրանքներ արտահանելիս։
«Մեր ծրագրերի մեջ կա, որ 2024 թ. տարբեր այլ ուղղություններով մեր ջանքերը պետք է մեծացնենք, որպեսզի արտահանման դիվեսիֆիկացիա լինի»,– ասաց նախարարը։
Հարցին, որ ՀՀ–ից արտահանումը հիմնականում իրականացվում է դեպի ՌԴ և այս ուղղությամբ ուշադրությունն ավելի սևեռված պետք է լինի, Քերոբյանը նշեց, որ ՀՀ իշխանությունները չեն ուզում մի երկրի հաշվին մյուս երկրների հետ հարաբերությունները լավացնել։
«Մենք ուղղակի գիտենք, որ բավականին մեծ պոտենցիալ կա բազմաթիվ այլ ուղղություններով` բացի առկա լավ աշխատող ուղղություններից։ Այդ ուղղությամբ պետք է տքնաջան աշխատել, քանի որ նոր շուկաներն այդքան էլ հայտնի չեն` իրենց սպառողների վարքագծով, նախասիրություններով։ Հաճախ անհրաժեշտ է լինում այդ նոր շուկայի համար նոր ապրանք արտադրել, և դա անհամեմատ ավելի լուրջ աշխատանք է, քան այն, ինչ հիմա արվում է»,– ընդգծեց նա։
Ըստ Քերոբյանի` Հայաստանի համար այսօր ամենագրավիչ ուղղությունները Արևելյան Ասիայի երկրներն են` Հնդկաստան, Չինաստան, Ճապոնիա, ինչպես նաև Մերձավոր Արևելքը, արաբական երկրները, Եվրոպան, ԱՄՆ–ն։
Նմանատիպ հոդվածներ
Ավելին Տնտեսություն բաժնից
Համաշխարհային բանկը Հայաստանին կտրամադրի 70,4 միլիոն եվրո վարկ
Այսօր Ադրբեջանից Հայաստան կուղարկվի ևս 4500 տոննա դիզելային վառելիք
Ի վերջո, Հայաստանի պետական պարտքը շա՞տ է, թե՞ քիչ. Պապոյանը՝ արտաքին պարտքի մասին
