ՏԵՍԱՆՅՈՒԹ. ՔՊ-ն Ալավերդիում իշխանություն չի լինելու. լարված իրավիճակ` Ալավերդու համայնաքապետարանում

Ալավերդու ավագանու ՔՊ խմբակցությունը նախաձեռնել է «Ապրելու երկիր» կուսակցությունից համայնքապետ Արկադի Թամազյանին անվստահություն հայտնելու գործընթաց։

Ալավերդու բնակիչները բողոքի ակցիա են իրականացնում ավագանու այս նախաձեռնության դեմ։ Այս պահին մեծ թվով ոստիկաններ թույլ չեն տալիս համայնքապետարանի աշխատակիցներին մուտք գործել շենք։

ՔՊ-ն համայնքապետին անվստահություն հայտնելու վերաբերյալ ավագանու որոշում է ներկայացրել, որը պետք է քննարկվի նիստի օրակարգում։ Համայնքապետ Արկադի Թամազյանը հայտարարել է, որ ՔՊ-ն օրենքի խախտմամբ է փորձում իրեն պաշտոնազրկել։

Նշվում է որ փրկարարները կոտրելու միջոցով բացեցին խորհրդակցությունների սենյակի դուռը, որպեսզի ՔՊ-ի ավագանու անդամները կարողանան իմպիչմենթի գործընթաց սկսել և հեռացնել Թամազյանին համայնքապետի պաշտոնից: