«Իսրայելը պատանդ է պահում Եվրոպային». Էրդողան

Թուրքիայի նախագահ Ռեջեփ Թայիփ Էրդողանը քննադատել է արևմտյան երկրներին պաղեստինա-իսրայելական հակամարտության հարցում իրենց դիրքորոշման համար։

 «Հոլոքոստի ամոթը գործնականում պատանդ է պահում եվրոպացի առաջնորդներին», - ասել է նա:

Թուրքիայի նախագահը կանխատեսել է, որ Իսրայելը և բոլոր նրանք, ովքեր աջակցում են նրան, կկանգնեն «մարդկության խղճի առաջ» և եվրոպական երկրներին մեղադրել է վախկոտության մեջ, որոնք թույլ չեն տալիս անգամ օգտագործել «հրադադար» արտահայտությունը։

«Արևմտյան հաստատություններն ու կազմակերպությունները, բացառությամբ մեկ-երկու բարեխիղճ երկրների, ինչպիսին Իսպանիան է, պարզվեց, որ լիովին խուլ էին Գազայից հնչող աղաղակներին», - վրդովված ասել Էրդողանը:

Նա նաև մեղադրել է Թել Ավիվին պաղեստինյան տարածքներում պետական ​​ահաբեկչության մեջ և կոչ է արել աշխարհին չմոռանալ իսրայելական միջուկային զենքի մասին, որի առկայությունը Թել Ավիվը բացահայտ ընդունում է։

Թուրքիայի նախագահը տարակուսած է, թե ինչու ոչ ՄԱԿ-ի Անվտանգության խորհուրդը, ոչ էլ Ատոմային էներգիայի միջազգային գործակալությունը որևէ հետաքննություն չեն նախաձեռնում այս հարցում։