Ադրբեջանի խորհրդարանը հայտարարություն է ընդունել ԱՄՆ-ի դեմ՝ հայերի պաշտպանության ակտի կապակցությամբ
Ադրբեջանի խորհրդարանը
հայտարարություն է ընդունել ԱՄՆ Սենատի կողմից հայերի պաշտպանության ակտի
կապակցությամբ։ Միլլի
Մեջլիսում ստեղծված հանձնաժողովը հայտարարություն է պատրաստել ԱՄՆ-ի դեմ։ Հայտարարությունն
ընթերցել է պատգամավոր Կամիլա Վելիևան: Հայտնում են ադրբեջանական ԶԼՄ-ները։
Հայտարարության
մեջ ասվում է՝
«Միլի
Մեջլիսը վճռականորեն մերժում է ԱՄՆ Սենատում Ադրբեջանի դեմ ընդունված ակտը և այն
լուրջ հարված է համարում երկու երկրների հարաբերություններին: Սա լուրջ խոչընդոտ է
տարածաշրջանում խաղաղության հաստատման ջանքերին։ ԱՄՆ Սենատի կողմից ընդունված ակտը
երկակի ստանդարտների և ընտրովի մոտեցման վառ օրինակ է: Երբ Հայաստանն ընդլայնեց
օկուպացիան Ադրբեջանի դեմ, իրագործվեցին Խոջալուի ցեղասպանությունն ու ադրբեջանցի
բնակչության զանգվածային սպանությունները, ԱՄՆ-ը, որպես ՄԱԿ-ի Անվտանգության
խորհրդի մշտական անդամ, չփորձեց կանխել այդ գործողությունները, այլ ընդհակառակը,
ընդունեց 907-րդ ուղղումը Ադրբեջանի դեմ ։ ԱՄՆ-ի ֆինանսական աջակցությունը
Հայաստանին օգնել է օկուպացնել ադրբեջանական հողերը։ ԱՄՆ-ն
աջակցել է Ադրբեջանի տարածքում ստեղծված անջատողական ռեժիմին ԱՄՆ-ի՝ որպես
միջնորդի ներկայիս գործողությունները հանգեցրել են Ադրբեջանում հեղինակության
կորստի։ ԱՄՆ-ի արտաքին քաղաքականությունը վերջին տարիներին լիակատար անկում է
ապրել։ Այս առումով պետք է առանձնահատուկ նշել Մերձավոր Արևելքում և Աֆղանստանում
իրականացվող քաղաքականությունը։ Ադրբեջանի Միլի Մեջլիսը ևս մեկ անգամ
հայտարարում է, որ Ադրբեջանը, հենվելով միջազգային իրավունքի նորմերի և
սկզբունքների վրա, մշտապես վճռականորեն կարձագանքի բոլոր բացասական քայլերին»,- նշվում է
հայտարարությունում:
Քննարկումներից
հետո դիմումը դրվեց քվեարկության և ընդունվեց:
