Օդեսայի ռազմածովային լիցեյում կուրսանտների զանգվածային թունավորման դեպք է գրանցվել

Օդեսայի ռազմածովային լիցեյում կուրսանտների զանգվածային թունավորում է տեղի ունեցել, քրեական գործ է հարուցվել «սանիտարական կանոնների խախտում» հոդվածով, հայտնում է ուկրաինական Strana.ua հրատարակությունը՝ հղում անելով իրավապահ մարմինների սեփական աղբյուրներին։

«Օդեսայում տեղի է ունեցել ռազմածովային լիցեյի կուրսանտների զանգվածային թունավորում։ Այսօրվա դրությամբ թունավորման նշաններով հիվանդանոց է տեղափոխվել 100 կուրսանտ, 76-ը հոսպիտալացվել է»,-նշված է հայտրարության մեջ։

Լրատվամիջոցների տեղեկություններով՝ կուրսանտները նախկինում թունավորվել են ճեմարանի ճաշարանում անորակ սննդից։ Հարուցվել է քրեական գործ «սանիտարական կանոնների խախտում» հոդվածով։