18+. ՏԵՍԱՆՅՈՒԹ. Բժիշկները փորձում են փրկել Գազայի հատվածում վիրավորված երեխայի կյանքը
Սոցցանցերում տարածվում են կադրեր, որոնցում երևում է, թե ինչպես են բժիշկները փորձում փրկել Գազայի հատվածում վիրավորված երեխայի կյանքը:
Հիշեցնենք, որ հոկտեմբերի 7-ին Իսրայելը ենթարկվել է Գազայի հատվածից աննախադեպ հրթիռային հարձակման՝ «Ալ-Աքսա Ջրհեղեղ» գործողության շրջանակներում, որը հայտարարել է պաղեստինյան ՀԱՄԱՍ շարժման ռազմական թևը։ Դրանից հետո կազմակերպության զինյալները մտել են հարավային Իսրայելի սահմանային շրջաններ, որտեղ կրակ են բացել ինչպես զինվորականների, այնպես էլ քաղաքացիական անձանց վրա, ինչպես նաև գերեվարել են ավելի քան 200 պատանդների։ Իսրայելում, ըստ իշխանությունների վերջին տվյալների, զոհվել է մոտ 1,2 հազար մարդ, այս ցուցանիշը ներառում է քաղաքացիական անձինք, զինվորականներ, օտարերկրյա քաղաքացիներ և բանվորներ, ինչպես նաև հաղորդվել է, որ ավելի քան 5 հազար մարդ վիրավորվել է։
Ի պատասխան՝ Իսրայելի պաշտպանության ուժերը Գազայի հատվածում ՀԱՄԱՍ-ի դեմ սկսել են «Երկաթե սրեր» գործողությունը։ Մի քանի օրվա ընթացքում իսրայելական զինվորականները վերահսկողության տակ վերցրեցին Գազայի հատվածի հետ սահմանին գտնվող բոլոր բնակավայրերը և սկսեցին ավիահարվածներ հասցնել այդ գոտու թիրախներին, այդ թվում՝ քաղաքացիական անձանց ուղղությամբ: Իսրայելը հայտարարել է նաև Գազայի հատվածի ամբողջական շրջափակման մասին։ Դադարեցվել է ջրի, սննդի, էլեկտրաէներգիայի, դեղորայքի, վառելիքի մատակարարումը։
Գազայի հատվածին իսրայելական հարվածների հետեւանքով զոհերի թիվը գերազանցել է 11,5 հազարը, ավելի քան 29 հազար մարդ վիրավորվել է։ Ռուսաստանի դեսպանատունը հայտնել է, որ հակամարտության սրման ժամանակ սպանվել է 20 ռուս, երկուսը պատանդ են վերցվել, յոթը անհետ կորել։ Տարբեր աղբյուրների համաձայն՝ մոտ 150 իսրայելցի կարող է գերեվարվել ՀԱՄԱՍ-ի կողմից։ Ինքը՝ շարժումը, հայտարարել է, որ Գազայի հատվածում կա մոտ 200-250 բանտարկյալ։Գազայի հատվածին իսրայելական հարվածների հետեւանքով զոհերի թիվը գերազանցել է 11,5 հազարը, ավելի քան 29 հազար մարդ վիրավորվել է։
