ԼՈՒՍԱՆԿԱՐՆԵՐ. Ռուսական զորքերը հարված են հասցրել Օդեսայի նավահանգիստներից մեկի ուղղությամբ. կան վիրավորներ և զոհ
Ռուսական զորքերը հրթիռային հարված են հասցրել Օդեսայի շրջանի նավահանգիստներից մեկի ուղղությամբ՝ հարվածելով Լիբերիայի դրոշով քաղաքացիական նավին, հայտնում է Ուկրաինայի Զինված ուժերի «Հարավ» օպերատիվ հրամանատարությունը։
«Հրթիռը հարվածել է Լիբերիայի դրոշով քաղաքացիական նավին, երբ այն նավահանգիստ էր մտնում։ Անձնակազմի երեք անդամներ՝ Ֆիլիպինների քաղաքացիներ, վիրավորվել են, նրանցից մեկը հոսպիտալացվել է։ Օդաչուն զոհվել է, ևս մեկ նավահանգստի աշխատակից վիրավորվել է»,- ասվում է հրամանատարության հաղորդագրության մեջ։
Ուկրաինայի զինված ուժերը պնդում են, որ ռուսական զորքերը Սև ծովում մարտավարական ինքնաթիռներից X-31P հակառադարային հրթիռով գրոհել են նավահանգիստը։
Հրամանատարությունը հրապարակել է հարվածի հետևանքների լուսանկարներ։ ՌԴ ՊՆ–ն դեռևս տեղի ունեցածին չի արձագանքել:
