ՑԱԽԱԼ-ը Ջաբալիայում սպանել է ՀԱՄԱՍ-ի հրամանատարներից մեկին
Իսրայելը հաստատել է Ջաբալիային հասցված հարվածը։ Այս մասին գրում է BBC-ի ռուսական ծառայությունը։
Իսրայելի բանակի խոսնակ Դանիել Հագարին հենց ճեպազրույցի ժամանակ հաստատել է, որ իսրայելական կործանիչները հարվածներ են հասցրել Գազայի Ջաբալիա փախստականների ճամբարին։
Նրա խոսքով՝ դրա հետևանքով զոհվել է ՀԱՄԱՍ-ի հրամանատարներից մեկը, փլուզվել է կազմակերպության ստորգետնյա ենթակառուցվածքը։
ՑԱԽԱԼ-ի հաղորդմամբ` սպանվել է ՀԱՄԱՍ-ի կենտրոնական Ջաբալիա գումարտակի հրամանատար Իբրահիմ Բիարիին:
BBC-ին դեռ չի հաջողվել ստուգել այս պնդումը։
Այս իրադարձությունները նշված էին Իսրայելի պաշտպանության բանակի հայտարարության մեջ։
Իսրայելի պաշտպանության մեկ այլ ներկայացուցիչ Ռիչարդ Հեխտը նման հայտարարություն է արել CNN-ի եթերում:
«Մենք ուսումնասիրում ենք դա և լրացուցիչ տվյալներ կհրապարակենք, երբ իմանանք, թե ինչ է տեղի ունեցել այնտեղ», - Հեխտի խոսքերն է մեջբերում Reuters-ը:
