Ադրբեջանցու կողմից սպանված ԶՊՄԿ պահնորդի ընտանիքը Վերաքննիչ բողոքարկում է ներկայացրել
ԶՊՄԿ անվտանգության աշխատակցին սպանելու մեջ մեղադրվող ադրբեջանցի զինծառայող Հուսեյն Ախունդովը դատապարտվել էր 20 տարվա ազատազրկման, սպանված 56-ամյա Հայրապետ Մելիքսեթյանի հարազատները դեմ էին այս որոշմանը, քանի որ սպասում էին ցմահ ազատազրկման որոշում։
MediaHub-ի հետ զրույցում Հուսեյն Ախունդովի պաշտպան Սարմիկ Հարությունյանը նշեց, որ ազատազրկման որոշումն ուժի մեջ է մտած, բայց նույն ժամանակ Մելիքսեթյանի ընտանիքը Վերաքննիչ դատարան բողոքարկում է ներկայացրել։
«Բողոքարկումը լսել են, չնայած, կարծում եմ, որ որոշումը չի փոխվի»,-ասաց նա։
Հիշեցնենք, որ ապրիլի 10-ին երկու ադրբեջանցի զինծառայողներ հատել էին Հայաստանի պետական սահմանը: Նրանցից մեկը՝ Ագշին Գաբիլի Բաբիրովը, հայտնաբերվել էր Սյունիքի մարզի Աշոտավան համայնքում, որը նշել էր, թե ընկերոջ հետ փախել են իրենց ծառայակիցներից։ Երկրորդ ադրբեջանցին՝ Հուսեյն Ահլիմանի Ախունդովն ավելի ուշ հայտնաբերվեց. 3 օր անց Սյունիքի մարզի Աճանան գյուղում գյուղացիները տարօրինակ մեկին էին նկատել, մոտեցել, պարզել, որ ադրբեջանցի է:
Դատախազությունն ապրիլի 18-ին մեղադրանք առաջադրեց Հուսեյն Ախունդովին նաեւ պահնորդի սպանության համար։
