ՏԵՍԱՆՅՈՒԹ. Օդեսան, իհարկե, ռուսական քաղաք է, մի փոքր էլ՝ հրեական. Պուտին
Ռուսաստանի նախագահ Վլադիմիր Պուտինը Ուկրաինայի Օդեսա քաղաքն անվանել է ռուսական քաղաք։ Այս մասին նա հայտարարել է «Վալդայ» ակումբի 20-րդ հանդիպման լիագումար նիստի քննարկման ժամանակ։
«Օդեսան, իհարկե, ռուսական քաղաք է, բայց մի փոքր հրեական է: Ընդամենը մի քիչ»,- ասել է Պուտինը՝ պատասխանելով հունգարացի լրագրող Գաբոր Շտիրի հարցին։
Հարցը տալիս Շտիրը նշել էր, թե այս անգամ Օդեսան չի հիշատակի։ 2022 թվականի հոկտեմբերին «Վալդայ» ակումբի հանդիպման ժամանակ լրագրողն ասել էր, որ Օդեսան հետխորհրդային տարածքում իր սիրելի քաղաքներից մեկն է, և Պուտինից խորհուրդ էր հարցրել, թե երբ ավելի լավ կլինի, որ նա այցելի քաղաք՝ հաջորդ ամա՞ռ, թե՞ երկու տարի անց: Ի պատասխան՝ ՌԴ նախագահը խորհուրդ էր տվել նրան հնարավորինս շուտ այցելել Օդեսա։
