Պուտինը նշել է Պրիգոժինի ինքնաթիռի կործանման պաշտոնական պատճառը
ՌԴ նախագահ Վլադիմիր Պուտինը նշել է «Վագներ» ՄՌԿ–ի ղեկավար Եվգենի Պրիգոժինի ինքնաթիռի կործանման պաշտոնական պատճառը:
«ՌԴ Քննչական կոմիտեի ղեկավար Ալեքսանդր Բաստրիկինն օրերս ինձ զեկուցեց, որ ավիավթարի հետևանքով զոհվածների մարմիններում ձեռքի նռնակների բեկորներ են հայտնաբերվել, օդանավի վրա արտաքին ազդեցություն չի եղել։ Սա արդեն հաստատված է։ Սա Քննչական կոմիտեի կողմից կատարված փորձաքննության արդյունքն է»,- ասել է Պուտինը։
Նա հավելել է, որ զոհերի մարմիններում ալկոհոլի և թմրանյութերի առկայության վերաբերյալ փորձաքննություն չի իրականացվել, սակայն Պրիգոժինի գրասենյակում խուզարկության ժամանակ հայտնաբերվել է 5 կգ կոկաին։
