Դա քարոզչության համար չի արվել. ԿԸՀ-ի պարզաբանումը
Քաղաքացիներն այսօր 2/24 ընտրատեղամասում նկատել են հանձնաժողովի անդամներից մեկի դիմաց փակցված է եղել «Քվեաթերթիկ 2» գրությամբ թուղթ։
ԿԸՀ-ից պարզաբանում են, որ առավոտյան, երբ աշխատանքները բաշխելիս են եղել, ցուցակներն ու քվեաթերթիկի ստացման կետերը բաժանել են 2 մասի, այսինքն՝ բացի «Քվեաթերթիկ 2-ից» կա նաև սեղան «Քվեաթերթիկ 1», «ցուցակ 1» և «ցուցակ 2» պայմանական անվանումներով, և դա քարոզչության համար չի արվել։
Հիշեցնենք, որ այսօր՝ սեպտեմբերի 17-ին՝ առավոտյան ժամը 08:00-ի դրությամբ, բացվել են Երևանի ողջ տարածքում ձևավորված 10 ընտրատարածքների 475 տեղամասերը: Քվեարկությունը կավարտվի ժամը 20:00-ին, որից հետո կսկսվի ձայների հաշվարկը:
