Չնայած սահմանային լարված իրավիճակին, ՔՊ նիստի օրակարգը բացառապես քարոզարշավն է
Իշխանականները տևական դադարից հետո այսօր կրկին կհավաքվեն. «Քաղաքացիական պայմանագիր»-ը խմբակցության նիստ կանի ԱԺ-ում:
Այս մասին գրում է «Ժողովուրդ» օրաթերթը և նշում, որ արդեն մեկ ամիս է, ինչ իշխող ուժը ո՛չ վարչության, ո՛չ էլ խմբակցության նիստեր չի անում, քանի որ տարված է բացառապես քարոզարշավի հետ կապված հարցերով ու նիստերի ժամանակ չունի:
Ըստ կայքի իշխանական աղբյուրների, նիստին քննարկվելու են բացառապես առաջիկա ԱԺ նիստերի օրակարգի, իշխանության պահվածքի, ինչպես նաև քարոզարշավի հետ կապված հարցեր:
Չնայած Հայաստանի ու Արցախի սահմաններին տիրող լարված վիճակին՝ անվտանգային հարցերը չեն քննարկվելու ՔՊ նիստին: Ստացվում է՝ հայրենի իշխանականները ամեն ինչի ժամանակ ունեն՝ խնջույքների, քարոզարշավի, բայց մոռացել են իրենց բուն պարտականությունների մասին, այն է՝ երկրի անվտանգությունն ու սահմանների անձեռնմխելիությունն ապահովելը. նրանց համար առաջնայինը միայն նեղ կուսակցական հարցերն են:
Նույն պահին Ադրբեջանում մոբիլիզացիա է, և Հայաստանի ու Արցախի սահմանին ուժեր են կուտակվում թշնամու կողմից:
