Ուկրաինացի պատգամավորներին արգելել են Լեհաստան մեկնել. հայտնի է պատճառը
Ուկրաինայի Գերագույն Ռադայի պատգամավորներին արգելվել է մեկնել Լեհաստան՝ հացահատիկի էմբարգոյի պատճառով։ Այս մասին հայտնում է onet.pl պորտալը։
Այս մասին տեղեկությունը հաստատել են մի քանի աղբյուրներ, այդ թվում՝ Ուկրաինայի Գերագույն ռադայի բարձրաստիճան պաշտոնյաններ։
Ընդդիմադիր «Եվրոպական համերաշխություն» կուսակցության պատգամավոր Նիկոլայ Կնյաժիցկիի խոսքով՝ գաղտնի հրաման է տրվել՝ պատգամավորներին դուրս չթողնել։ Նա վրդովված էր, որ իրեն թույլ չէին տալիս անցնել սահմանը, թեև պետք էր գնալ Լեհաստան։
Իրավիճակը մեկնաբանել է Լեհաստանում Ուկրաինայի դեսպան Վասիլի Զվարիչը։ Նա հայտարարեց, որ ուղևորություններն ամբողջությամբ արգելված չեն, սակայն պատգամավորները կարող են գործուղումների գնալ խորհրդարանական պատվիրակությունների կազմում, ինչպես նաև այլ երկրների խորհրդարանների պաշտոնական հրավերով։
