Պուտինն ու Էրդողանը համաձայնության չեն եկել հացահատիկի գործարքի շուրջ. BBC
Դատելով ՌԴ նախագահ Վլադիմիր Պուտինի՝ Սոչիում իր թուրք գործընկեր Ռեջեփ Թայիփ Էրդողանի հետ բանակցություններից հետո կայացած մամուլի ասուլիսում արած հայտարարություններից՝ Ռուսաստանը և Թուրքիան չեն կարողացել պայմանավորվել հացահատիկի գործարքի վերականգնման շուրջ, հայտնում է BBC-ն։
«Մենք պատրաստ կլինենք դիտարկել հացահատիկի գործարքը վերականգնելու հնարավորությունը, հենց որ կատարվեն ռուսական գյուղատնտեսական ապրանքների արտահանման հետ կապված բոլոր պայմանավորվածությունները», - ասել է Պուտինը հանդիպումից հետո։
Ռուսաստանի նախագահը մեղադրել է Կիևին հումանիտար միջանցքները ահաբեկչական հարձակումների համար օգտագործելու մեջ, «մինչդեռ Ռուսաստանն ապահովում էր հացահատիկի միջանցքի անվտանգությունը»։
