Դերասանուհի Տատյանա Սպիվակովան հաղթահարել է Արարատի բարձունքը

Անվանի դիրիժոր և ջութակահար Վլադիմիր Սպիվակովի և դերասանուհի, հաղորդավարուհի Սաթի Սպիվակովայի (Սաթենիկ Սահակյանց) դուստրը՝ դերասանուհի Տատյանա Սպիվակովան հաղթահարել է Արարատի բարձունքը։ 

Ջիվան Ավետիսյանի «Դրախտի դարպասը» ֆիլմի գլխավոր դերակատարուհին հուզիչ գրառմամբ է կիսվել է ինստագրամյան էջի Story բաժնում։ 

«Այսպիսով, սա տեղի ունեցավ։ Գիշերը 6 ժամ բարձրանալուց հետո ես արեւածագին կանգնած եմ Արարատի գագաթին՝ 5137 մետր բարձրության վրա»,-անգլերենով գրել է Սպիվակովան, այնուհետեւ հայերենով հավելել․ «Մայրիկ ջան, ես կատարեցի մեր ցանկությունը»։

Դերասանուհին նշել է, որ իր ողջ ուղին անցել է իր նախնիների «առաջնորդությամբ»․ «Դեռևս չեմ կարողանում ճիշտ բառեր գտնել։ Երբեք այսքան կյանքով լեցուն, այսքան շնորհակալ ինձ չեմ զգացել։ Ես միշտ կհիշեմ այս պահը»։

Սաթի Սպիվակովան ևս ինստագրամյան իր էջում անդրադարձել է դստեր հաջողությանը։ 

«Որքան, որ ինձ հիշում եմ, բոլոր հայերի համար սուրբ լեռը՝ Արարատը, անհավանական երազանք էր թվում։ Տատյանա, դու իմ կուռքն ես։ Թող այսուհետ բոլոր բարձունքները քեզ տրվեն»,-գրել է նա։

[88e5d25159527f140f67be2e08eb9077.jpg]