Միլիարդատեր Իգոր Կոլոմոյսկին զրկված է Ուկրաինայի քաղաքացիությունից. Զելենսկու խորհրդական

Գործարար Իգոր Կոլոմոյսկին խարդախության և փողերի լվացման վերաբերյալ քրեական գործի նյութերում նշված է որպես Իսրայելի և Կիպրոսի քաղաքացի, որը զրկված է Ուկրաինայի քաղաքացիությունից։ Գործի նյութերը հրապարակել է Ուկրաինայի նախագահի աշխատակազմի խորհրդական Սերգեյ Լեշչենկոն։ Այս մասին գրում է Kommersant.ru–ն:

«Սա ոչնչացնում է տարածված կեղծ պատմությունն այն մասին, որ Կոլոմոյսկին չի զրկվել Ուկրաինայի քաղաքացիությունից և, իբր, չի արտահանձնվի Միացյալ Նահանգներին», - ասել է նա:
 

Զելենսկու գրասենյակի ղեկավարի խորհրդականը նաև հայտնել է, որ Կոլոմոյսկուն ԱՄՆ արտահանձնելու մասին հարցումներ  Ուկրաինան չի ստացել:
 

Նշենք, որ Կիևի Շևչենկովսկի շրջանային դատարանը բիզնեսմեն Իգոր Կոլոմոյսկու համար խափանման միջոց է ընտրել 60 օր ժամկետով կալանքը՝ գրեթե 510 միլիոն գրիվնայի չափով գրավի հնարավորությամբ։

Հետաքննությունը կարծում է, որ 2013-ից 2020 թվականներին Իգոր Կոլոմոյսկին խաբեությամբ առգրավել է ավելի քան 570 միլիոն գրիվնա, այնուհետև այն դուրս է բերել երկրից իր կողմից վերահսկվող բանկերի միջոցով։ Միլիարդատերը չի ընդունում մեղքը։