«Շառլ Միշել, դու և քո խամաճիկ Նիկոլը այլևս չեք կարող հայ ժողովրդին նոր զիջումներ պարտադրել». Սաղաթելյան
Այսօր Արցախի հերոսական ժողովուրդն աննախադեպ դիմադրություն է ցույց տալիս:
Այս մասին, այսօր, Ազատության հրապարակում ընդդիմության հանրահավաքում իր ելույթում նշել է ԱԺ պատգամավոր, ՀՅԴ Հայաստանի ԳՄ անդամ Իշխան Սաղաթելյանը:
Դիմելով արցախցիներին՝ նա ասել է, որ իրենց տոկունությամբ գրում են հայ ժողովրդի նորագույն պատմության ամենալուսավոր էջերից մեկը, յուրաքնաչյուր արցախցի իր դիմադրությամբ պաշտպանում է Հայաստանի որևէ գյուղ, որևէ քաղաք.
«Արցախն է Հայաստանի անվտանգության երաշխավորը և հետևաբար սա միայն արցախցու պայքարը չէ, սա ողջ հայ ժողովրդի պայքարն է և այս հրապարակից մեր ամբողջական զորակցությունն ու աջացությունն ենք հայտնում Արցախի ու արցախցու պայքարին»:
Սաղաթելյանը խոսքն ուղղելով միջազգային հանրությանն ու դերակատարներին նախ շնորհակալություն հայտնեց բոլոր նրանց, որոնք հստակ գնահատական են տվել Ադրբեջանի գործողություններին և դատապատեց նրանց, որոնք երկակի ստանդարներ են կիրառում և հրաժարվում են իրենց իսկ հռչակած սկբունքներից:
«Շառլ Միշելն ասում է՝ եկել է խիզախ փոխզիջումների ժամանակը՝ վկայակոչելով նաև երեկվա Ադրբեջանի կողմից էսկալացիան: Պարոն Միշել, մենք այլևս զիջելու տեղ չունենք, մենք ստանալու բան ունենք: Թշնամին գտնվում է ՀՀ ինքնիշխան տարածքում, մեր հայրենիքը օկուպացված է Ադրբեջանի կողմից և գտնվում է շրջափակման մեջ և հայ ժողովուրդը այլևս զիջելու տեղ չունի: Դու և քո խամաճիկ Նիկոլը այլևս չեք կարող Ադրբեջանի ուժի սպառնալիքի տակ հայ ժողովրդին նոր զիջումներ պարտադրել: Բոլոր միջնորդները, միջազգային դերակատարները պետք է հստակ իմանան այն անձը, որ խոսում է Հայաստանի անունից, հայ ժողովրդին չի ներկայացնում և նրա հետ ձեռք բերված ցանկացած պայմանավորվածություն առ ոչինչ է: Փաշինյանը որևէ լեգիտիմ իրավունք չունի ՀՀ երպետական օրենսդրությամբ, Սահմանադրությամբ, անկախության հռչակագրով արցախն Ադրբեջանի կազմում ճանաչելու: Արցախը երբեք Ադրբեջանի կազմում չի լինելու»,- ասել է նա:
