Ուկրաինայի ԱԳ նախարարը բոլոր պաշտոնյա քննադատներին խորհուրդ է տվել «լռել»

Ուկրաինայի իշխանություններն արձագանքել են The New York Times-ի, Washington Post-ի և այլ լրատվամիջոցների հրապարակումներին, որտեղ արևմտյան պաշտոնյաները քննադատել են Ուկրաինայի զինված ուժերի հակահարձակման ընթացքը։ Այս մասին գրում է Reuters-ը։ 

Ուկրաինայի ԱԳ նախարար Դմիտրի Կուլեբան Եվրամիության արտգործնախարարների հանդիպման ժամանակ բոլոր քննադատներին խորհուրդ է տվել «լռել» և կոչ է արել նրանց «գալ Ուկրաինա և փորձել ինքնուրույն ազատել մեկ քառակուսի սանտիմետրը»: 

Գործակալության գնահատմամբ՝ նման ահազանգը վկայում է Կիևի հիասթափության մասին՝ ԶԼՄ-ներում ԱՄՆ-ի և Արևմուտքի այլ երկրների պաշտոնյաների կողմից տեղեկատվության արտահոսքից, որոնք կարծում են, որ Ուկրաինայի զինված ուժերը չափազանց դանդաղ են առաջ շարժվում իրենց հակահարձակման հարցում: 

Նշենք, որ The New York Times-ի, Washington Post-ի և այլ ԶԼՄ-ների հրապարակումներում մեջբերվել են ԱՄՆ-ի և Արևմուտքի այլ երկրների իշխանությունների ներկայացուցիչների գնահատականներն այն մասին, որ Ուկրաինայի զինված ուժերի հարձակումը չի արդարացրել սպասելիքները: Մեջբերված պաշտոնյաներից ոմանք քննադատել են Ուկրաինայի ռազմավարությունը և մեղադրել նրան սխալ տեղերում զինված ուժերը կենտրոնացնելու մեջ