Սուրեն Պապիկյանն ու Իրանի նորանշանակ դեսպանը հանդիպել են
ՀՀ պաշտպանության նախարար Սուրեն Պապիկյանն Իրանի նորանշանակ դեսպանի հետ քննարկել է տարածաշրջանային անվտանգությանն առնչվող հարցեր: Այս մասին հայտնում է ՀՀ ՊՆ–ն:
Նշվում է, որ Սուրեն Պապիկյանը սեպտեմբերի 1-ին ընդունել է Հայաստանի Հանրապետությունում Իրանի Իսլամական Հանրապետության նորանշանակ արտակարգ և լիազոր դեսպան Մեհդի Սոբհանիին: Հանդիպմանը մասնակցել է նաև Հայաստանի Հանրապետությունում ԻԻՀ դեսպանության ռազմական կցորդ, գնդապետ Բահման Սադեղինը:
«Հանդիպման ընթացքում քննարկվել են հայ-իրանական համագործակցությանը, ինչպես նաև տարածաշրջանային անվտանգությանն առնչվող հարցեր:
Պաշտպանության նախարարը դեսպանին ներկայացրել է սեպտեմբերի 1-ին Սոթքի ուղղությամբ ադրբեջանական սադրանքի վերաբերյալ մանրամասներ»,– նշվում է հաղորդագրության մեջ:
