Նիգերի նախկին նախագահը ընտանիքի հետ հիվանդացել է մալարիայով

Նիգերի նախկին նախագահ Մուհամեդ Բազումը, ում կալանքի տակ են պահում, ընտանիքի անդամների հետ հիվանդացել է մալարիայով: Այս մասին հայտարարել է աֆրիկյան պետության արտգործնախարար Հասումի Մասուդուն։ 

«Հոսանք չունեն։ Մթերքները պահելու համար սառնարան չկա, և հիմա բավականին շոգ է։ Նիգերում հիմա ավելի քան 40 աստիճան է: Մոծակները շատ են, և նրանք դժվարանում են քնել: Նրանք բոլորը վարակվել են մալարիայով մոծակների պատճառով»,- բացատրել է Մասուդուն:

Երկրի ԱԳ նախարարը նշել է, որ նախագահի առողջական վիճակը վատ է, բայց տրամադրությունը լավ է։

Հիշեցնենք, որ հուլիսի 27-ին Նիգերում ռազմական հեղաշրջում է իրականացվել։ Իշխանությունից հեռացված նախագահ Բազումին տնային կալանքի տակ է։