Ուկրաինայում մոբիլիզիացիայի աճ չի սպասվում. Դանիլով

Ուկրաինայի ազգային անվտանգության և պաշտպանության խորհրդի քարտուղար Ալեքսեյ Դանիլովը հինգ օրվա ընթացքում երկրորդ անգամ հայտարարել է, որ երկրում մոբիլիզացիայի աճ չի սպասվում։ Այս մասին գրում է ТАСС–ը:

Նշվում է, որ Դանիլովն այս հայտարարությունն արել է «Новое время»-ին տված հարցազրույցում։ 

«Ամեն օր, երբ առավոտյան գնում եմ աշխատանքի, տեսնում եմ մարդկանց հսկայական հերթեր, ովքեր ցանկանում են մտնել բանակի հավաքակայաններ»,– ասել է Դանիլովը:

Ուկրաինական մամուլում վերջերս հաճախ են հնչում առաջարկություններ, որ Ուկրաինայի մարտադաշտում լուրջ կորուստների պատճառով կարող է հայտարարվել մոբիլիզացիոն նոր պլան, որը կհանգեցնի զինկոմիսարիատների կոշտ գործունեությանը և զորակոչի տարիքի հնարավոր իջեցմանը։