ՏԵՍԱՆՅՈՒԹ․ «Փաստորեն, ամեն ինչ կարգին է»․ Պրիգոժինից հի՞ն, թե՞ նոր տեսանյութ է տարածվում

Համացանցում տեսանյութ է շրջանառվում «Վագների» հիմնադիր Եվգենի Պրիգոժինից: 

«Նրանց համար, ովքեր քննարկում են՝ ես ողջ եմ, թե ոչ, ինչպես եմ ես... Հիմա հանգստյան օրեր են, 2023 թվականի օգոստոսի երկրորդ կեսը, ես Աֆրիկայում եմ։ Իմ լիկվիդացման, ինտիմ կյանքի, վաստակի մասին թեմաներ կամ որևէ այլ բան քննարկել սիողներ, փաստորեն, ամեն ինչ կարգին է», - տեսանյութում ասում է Պրիգոժինը:

Հատկանշական է, որ տեսանյութում օդանավի կործանման մասին որևէ բան չի նշվում։ Հայտնի չէ նաև, թե երբ է նկարահանվել տեսանյութը։

Հիշեցնենք՝ օգոստոսի 23-ին Տվերի մարզում վթարի է ենթարկվել Եվգենի Պրիգոժինի անձնական ինքնաթիռը։ «Վագներ» ՊՄԿ–ի  հիմնադիրը եղել է Ռոսավիացիայի հրապարակած ուղևորների ցուցակում։ Պրիգոժինի մահը և ևս 9 հոգու մահը պաշտոնապես հաստատել են ՌԴ ՔԿ-ից։ Հավելենք, որ «Վագներ» ռազմական մասնավոր ընկերության ղեկավար Եվգենի Պրիգոժինին հուղարկավորել են օգոստոսի 29-ին Սանկտ Պետերբուրգի Պորոխովսկու գերեզմանատանը